講題：罪帶來苦難
經文：創世記4章1-7節
信息：
弟兄姊妹：平安！
今仔日是待降節期的第一個主日，教會會訂的主題是苦難。
就「待降節」的名稱，咱知這個節期的意義是等候主耶穌的降生。但是主耶穌已經在二千外年前降生，所以在待降節期咱著做的是思想耶穌降生的意義。不過咱會得可擴大「待降節」的意義，就是思想主耶穌降生在咱心中的意義。咱會得著上主的救恩，是因為咱迎接主耶穌進入咱的心中做咱的主。這個「進入」偌親像他「降生」於咱的心中。因為咱通常是漸漸將生命的主權交給主耶穌。另外咱會得可又擴大「待降節」的意義，就是思想欲安怎乎人打開心門，讓主耶穌「降生」於伊的心中。
為什麼咱需要邀請主耶穌進入咱的心中做咱的主？
因為人人攏犯罪，罪的工錢是死。「死」有多多的解釋，親像「生命的結束」是其中的一種，另外一種是「與上主隔離－人和上主之間關係的連結斷線」。
在《創世記》第三章，咱看見一個典型的例，就是咱人的始祖亞當、夏娃在吃善惡樹的果子的了後和進前，與上主的關係有了變化。聖經有安爾記載：
日涼冷的時（黃昏，日頭落山的時候），耶和華上帝行遊於園內（上帝歡喜和人逗陣作伙）。伊聽見他的聲，彼人與他的婦仁人就沕於園內的樹中，來閃避耶和華上帝的面。（人為什麼沕？就因為驚。驚什麼？驚被上主責備。因為伊吃禁果。）
接續聖經又安爾記載：
耶和華上帝叫彼人，對他講：「你於叨落？」他就講：「我聽見你的聲於園內，我就驚；因為我是褪腹裼，就自己匿。」（到這睫亞當、夏娃尚不肯承認伊吃禁果。伊講伊驚是因為裉腹裼。）
接續，亞當牽拖夏娃拿禁果給他吃，夏娃牽拖蛇引誘她吃禁果。上主就給蛇、夏娃、亞當判刑，然後將亞當、夏娃趕離開伊甸園。在彼個時，伊猶原在上主的保護之下。後來亞當、夏娃生該隱與亞伯。有一回該隱與亞伯攏奉獻禮物給上主，但上主獨獨眷顧亞伯與他的禮物，無眷顧該隱與他的禮物。該隱都非常受氣，向上主變面。上主就對他講：「你啥事受氣？你啥事變面？你若行好，豈無得著悅納？若無行好，罪孽埋伏於門口。它欲戀慕你，你欲管轄它。」
這幾句話包含三個要緊的教示：
①人若行好，上主就悅納他所做的，也眷顧他，保守他；
②人若無行好，罪孽就埋伏，趁機會引誘人犯罪；也就是講：小小的罪孽會引誘人去犯又較大的罪行。偌親像咱俗語所講的，「細漢偷摘瓟，大漢偷牽牛。」所以咱千萬不可因為「善」小就不去行，也不可因為「惡」小就去行。
③雖莽罪孽會誘惑人犯罪，但是人有氣力拒絕它的引誘。亞當牽拖夏娃，夏娃牽拖蛇，但是伊本身有責任，因為伊有氣力去拒絕引誘卻不肯安爾做，所以伊要為著自己所做的受刑罰。
該隱並無將上主的教示聽入去。有一日，該隱邀請亞伯到田野去行行看看，就在田野攻擊亞伯就將他殺死。上主就趕他離開他的面，該隱安爾講：「你今仔日趕我離開這個地面，無可住於你的面前；我四處走漂流地上，既若遇著我的欲殺死我。」
該隱的這句話指出一個非常要緊的代誌，就是：罪，引誘咱犯罪；罪孽，將咱拉離開上主的保護傘。在先知書《以賽亞書》將以色列人比併做葡萄園，講：上主在他的周圍圍上籬笆；但後來伊激上主大受氣，上主就將籬笆拆掉。你想看嘜，籬笆拆掉後會發生什麼代誌？就是過路人會得可進入園裡偷摘，野獸會可走入去破壞。
到這睫，咱已經非常清楚這個事實，就是：罪會帶來苦難。雖莽不是所有的苦難攏是從罪來，親像約伯所遇著災難不是罪所引起的，因為上主謳樂他講：完全又正直，而且敬畏上主。但是罪會帶來苦難。咱犯罪，得罪上主，上主就刑罰咱，就是：將他囥在咱四圍的保護傘拿走。無有保護傘的保護，攻擊、傷害就一件續接一件來到。
安爾，咱著安怎面對苦難？
和：
對別人的苦難，咱要有憐憫的心。因為他的苦難有可能不是從犯罪來的刑罰。就算講是出於上主的刑罰，咱猶原要憐憫他，因為如果換做是咱，有可能會犯同款的錯誤，甚至更加嚴重。在受難的進前，主耶穌在客西馬尼園祈禱，他的門徒卻啲睏。耶穌就叫伊精神，講：「著警醒著祈禱，免得入於迷惑。心神甘願，若是肉體軟芘。」咱不可笑耶穌許個學生肉體軟芘，足多時陣，咱連心神都不甘願。耶穌被抓了後，彼得跟他到大祭司的厝，在許他三次無認主。咱不可笑彼得，自己算看嘜在過去咱有幾次無認主。
對別人的苦難，咱要有警醒的心。在主耶穌的時代，耶路撒冷城發生二件大代誌，第一件都是，一些加利利人在聖殿啲祭獻的時被羅馬兵殺死；第二件是，一個名叫西羅亞的塔倒，壓死18個人。就這二件代誌，耶穌問講：「因為諸個加利利人受這號的害，你打算伊比眾加利利人較有罪嗎？」「彼18人被互亞羅亞的塔倒落來壓死的，尒打算伊比攏總企起於耶路撒冷的人犯罪較重嗎？」然後教示人講：「我共尒講，不是！尒若無反悔，攏欲照安爾滅亡。」（參閱路13）
同款的道理，當咱看見人因為罪的緣故遇著災難，要反省自己是不是犯著同款的錯誤，是不是啲做同款的歹？若有，另日咱都逃閃未離上主的刑罰。
看見別人受苦難，咱要對上主有感恩的心。因為上主出於他的憐憫，無給咱遇著彼個人所遇著的境遇。有一個老爸，因為不甘他的囝仔每日上課要行遠遠的路，就偷牽別人的腳踏車給他的囝仔騎。看見這個新聞，咱要感謝上主無給咱遇著這款的境遇；或是感謝上主保守咱的心，無因為遇著困境來做不對的代誌。
對自己所遇著的苦難，咱要反省彼個苦難是不是出於罪的刑罰。如果是，咱要緊緊離開彼個歹；因為非常有可能彼個苦難干也是出乎警告。為什麼超速要開單？為什麼飲酒開車要罰款？如果你將罰款看做是刑罰，心情都未概好；但你若將它看做警告，免得你以後發生交通事故，你都會感謝。足多時陣，咱是不肯聽人的苦勸。雖莽人講，「不聽老人言，吃虧在眼前」；咱卻是「不到黃河心不死」，堅持做落去。不過在這個時，有小小的苦難臨到，咱會覺醒。其實咱回想過去對囝仔的管教，是不是絕大部份是出於「警告」不是出於「刑罰」？
如果苦難臨到咱身上不是出於罪的刑罰，咱要掠牢這個教示－「萬項事相與來給疼上帝的人得著利益，就是照他定著的旨意來受召的。」咱信仰的基礎是耶穌基督，在這個基礎頂有四支柱石，都是：聖潔、順服、獻身（委身）與信靠。苦難若不是咱的罪孽所引起的，都是上主要咱學習順服。上主乎約伯遇著大災難，都是要他學習順服，無論順境抑是逆境攏持守對上主的敬畏。咱也看見，就因為他順服，上主使他看見前未曾看見的，學習前未曾學習的，所以約伯安爾對上主講：「我前耳孔聽見你，昑我的目睭看見你。」
又有一個咱遇著苦難的原因，都是上主欲在咱的身上彰顯他的權能。在《約翰福音書》有記載，耶穌和他的學生一行人遇著一位出世都睛盲的。他的學生問他是啥人的罪導致彼人出世表都睛盲？是他的父母，抑是他自己？耶穌講，不是這人的罪，也不是他父母的罪，是上主欲在他的身上顯現他的所做。
在這款的情形，咱要順服，因為生命是上主所賞賜的，咱的吃穿用也是他所賞賜的，咱所有的一切攏是他賞賜。安爾，咱會得可計較什麼？
上主創造咱，是照他的意思。他的創造是有計劃的，他的計劃若是欲在咱的苦難中彰顯他的權能，咱會得可計較什麼？
咱基督徒尚且有一個苦難，是出於咱歸屬上主，成做他的百姓。以前，因為罪的關係，咱歸屬魔鬼，活在黑暗的國度。信耶穌了後，耶穌用他的寶血替贖咱，將咱從黑暗的國度遷徙到光明的國度。魔鬼非常受氣咱的離開，就用各種的手段欲將咱拉倒轉。其中一個手段都是用「苦難」，共咱講：信耶穌也無較好。針對這個耶穌有安爾的教示：在世間，尒有苦難；獨獨尒可放心，我已經較贏世間。（約17:33）
弟兄姊妹：
既然萬項事是相與使疼上主的人得著利益，若不是出於咱的罪的苦難，只要咱順服，上主自然會賜福咱。
咱特別要致意於許個出於咱的罪的苦難。要審查自己，看是什麼歹所行惹上主受氣。若發現，就要親像詩篇130篇一樣，趕緊認罪，迫切求主憐憫。
詩篇130篇安爾講：
耶和華啊，我從深淵求叫你；主啊，求你聽我的聲！願你佒耳孔聽我懇求的聲！主耶和華啊，你若究勘罪惡，是誰企會牢？總是你有赦免的恩，欲使人敬畏你。
如果咱不知欲安怎向上主懺悔認罪祈禱，咱可用詩篇130篇1-4節來祈禱。
No comments:
Post a Comment