講題：著奮志來反悔
經文：啟示錄3章14-22節
信息：
弟兄姊妹：平安！
●無冷無熱
相信咱曾聽見人的講，啥咪人無冷無燒，抑是啥咪人無冷無熱。
這個「無冷無熱」是什麼意思？
如果有人咱教會無冷無熱，你會認同否？
●耶穌的自我介紹
這張批和頭前的六張批一樣，一開始榮光的主耶穌攏會介紹自己，而且他的自我介紹攏與收批的教會有非常密切的關係。榮光的主耶穌安爾介紹他自己–作阿們，作忠信真實的干證，作上帝造化的源頭的，…
「阿們」的意思就是真的，真實可靠的。耶穌用「阿們」和「忠信真實」雙重保證他的干證是真的，是可靠的。他在干證什麼？他在干證上主的慈愛、權能與救恩。他將上主的慈愛、權能與救恩完全、透徹表明出來。無親像一些生理人，一再強調產品的優點，卻淡化產品的缺點，甚至完全無提起它的危險性。上主的慈愛、權能與救恩攏非常齊全，無啥咪缺點，但是他會要求人完全的獻身、完全的順服與完全的信靠。
耶穌是上帝造化天地萬物的源頭。在《約翰福音書》1章3節有安爾的記載–萬物從道來創造；既若受創造的，無一項呣是從他來創造。《歌羅西書》1章15-16節安爾記載–他是未得可看見的上帝的像，他是頭一個生的，於攏總受創造者的代先。因為萬物於他來創造，…萬項有攏是從他，也為著他纔受創造。在《箴言》8章22-31節，也有類似的記載。足多人將他所積聚的或是所經歷的攏歸於他自己的能（gau）與辛勞，但是榮光的主耶穌講，一切攏從我此去的。
●無冷無熱的教會
自我介紹了後，榮光的主耶穌責備老底嘉講：「我知你的所做，你是無冷無熱。…」老底嘉城無水源，需要從Denizli引水。但是附近的二座城歌羅西城與希拉坡里城卻因為伊的水泉出名。歌羅西城出冷泉，希拉坡里城出熱泉。泉水若無冷無熱，因為這款的泉水多多，未引起別人的注意。水泉若欲出名，不是要冷，就是要熱。主榮光的耶穌責備老底嘉教會「無冷無熱」，就是講伊未會引起人的注意，來為主作見證。「熱」是指什麼？敬拜火熱，事奉火熱，奉獻火熱；「冷」是指什麼？安靜靈修，理智教導，深沉關懷。「熱」與「冷」是指信仰生活的二種方式。什麼叫做「無冷無熱」？就是：請裁（隨便，馬馬虎虎）。敬拜請裁，事奉請裁，奉獻請裁，靈修請裁，教導請裁，關懷請裁。一切攏無用心，攏是在做給人看耳。
在《約翰福音書》4章，有記載耶穌與一位撒馬利亞婦仁人的對話。在對話中，耶穌傳授敬拜的秘訣–若是時欲到，現今就是，真實敬拜的，卻用神用真實敬拜父，因為父是要這號人敬拜他。（23）真實的敬拜是出於心底（真心，誠實），用敬虔的態度（神魂）。表面、無心、請裁的敬拜、事奉、奉獻、靈修、教導、關懷…上主怎有可能接受？所以榮光的主耶穌講：「我欲吐你出我的嘴。」在《約翰福音書》15章，主耶穌有安爾的教示–我就是葡萄樹，恁就是枝。待於我，也我待於他的，就結果子多多；因為若與我相離，恁就未會做啥咪。人若無待於我，就受棄捨於外面親像枝續枯焦，人撿伊拋落火就燒去。「吐出…嘴」就是無待於主耶穌。
●教會的窘況
為什麼老底嘉教會會變成略溫燒（la-lun-sio），無冷無熱？榮光的主耶穌診斷的結果是–因為你自己講：我是好額，已經發財，攏無欠缺；也呣知你是困苦、可憐、宋鄉、睛暝、褪裼。
老底嘉城是羅馬帝國弗呂家省的行政、貿易和交通中心；政治、商業和運輸為這個地區製造多多財富。這地區出產的羊毛和一帖眼藥非常出名，為多多人帶來好額。會使安爾講，老底嘉城是一個藏有寶藏的礦場，等候人去挖掘。老底嘉教會的信徒，拜一到拜六，全日無閒於掘寶；主日，身於聚會的所在，心卻在外面，計劃禮拜息，就欲去賺錢，欲邀什麼人倒陣吃飯，交陪、講生理。這款全心一意想欲賺錢的人，頭殼裡面所盛的是賺錢的念頭，伊感覺他會得可來禮拜已經給教會足大的面子，欲叫他服事、靈修，那是無可能的代誌。在他心底所想的就是，「我已經有夠好，若無，上主未俾我即好額。」這款的思想可能來自《約伯記》。約伯是一位「完全又正直，復敬畏上主，離個諸個歹」的人，上主賞賜給他多多的財富。特別在苦難了後，上主給他的財富又較多。老底嘉教會因為上主的賞賜夠額，所以「攏無欠缺」；也因為「攏無欠缺」，所以就伊的心裡來講，既然錢會解決一切，上主對伊來講，有無攏無差。
事實上，老底嘉教會是「困苦、可憐、宋鄉、睛瞑、褪裼」。
老底嘉教會在一般人的眼中，是「光鮮亮麗」、行路有風，但在上主的眼中卻是落魄、可憐，若親像流浪漢一樣。因為伊「宋鄉」，伊無積聚財寶於天裡；伊「睛瞑」，伊看未著自己靈命衰微的狀態與屬天的福氣；「褪裼」，伊無為自己所行的歹懺悔認罪。
●治療
榮光的主耶穌診斷了後，就提出治療的藥方，講：「我替你想：著從我買過火鍛鍊的金，可得著好額；復買白裳可穿，俾你無露現褪裼的見誚；復買藥膏來抹你的目睭，俾你會看見。」
老底嘉教會無遇著政治或宗教的困逐，伊受著的困逐是宴樂的困逐，要伊離開上主。針對這個困逐，榮光的主耶穌要伊過簡僕的生活，幫助宋鄉人，積聚財寶在天裡。因為伊無用心於敬拜、事奉與靈命的追求，又縱容自己浪費，繼續犯罪，榮光的主耶穌要伊懺悔認罪，可從他許得著白裳穿。因為看未著自己屬靈的狀況與屬天的福份，榮光的主耶穌要伊懇求聖靈的膏抹，打開伊心靈的目睭。
●疼她，就責備她
榮光的主耶穌已經預見老底嘉教會未堪得承受著他的責備，打消行天路的意願，就又勸勉伊講：「既若我所疼的人，我責備來警戒伊…」在《約翰福音書》6:37有記載耶穌的應許–「既若父所給我的欲攏就近我；就近我的人，我決斷無棄捨他。」在《希伯來書》12:6有記載講：「因為主所疼的，就警戒他，復凡所接納的子，就用鞭打他。」雖然老底嘉教會是無冷熱的教會，雖然主講欲將伊吐出他的嘴，但是她猶原是主所疼的教會，每一間教會攏是主所疼的教會。就因為主疼伊，所以纔責備來警戒她。
榮光的主耶穌勸勉按算放棄行天路的意願的老底嘉教會「著奮志來反悔」。「奮志」就是將欲熄的意願又煽乎它旺（me），然後用心於敬拜、事奉與靈命的追求，避免浪費，節省開銷，又離開歹代，慷慨賙濟，積聚財寶在天裡，又懇求聖神的膏抺，又將心門打開，俾打門的耶穌入來。安爾，伊就欲成作得勝者，伊就欲得著這個大福份，就是：和榮光的主耶穌同坐桌於天堂，享受天頂的筵席。
●有關係否？
這張寫給老底嘉教會的批與咱有關係否？
有。榮光的主耶穌講：「有耳孔的，著聽聖神加諸個教會所講的。」「諸個教會」，不是一間，是幾若間甚至幾若十間、幾若百間。凡是和老底嘉教會有相款情況的教會，就是掠作自己是「好額，已經發財，攏無欠缺」、卻是「困苦、可憐、喪鄉、睛盲、褪裼」的教會，榮光的主耶穌的勸勉是為伊來發出的。
●現世代的老底嘉
到底咱的教會是不是榮光的主耶穌所勸勉的教會？
問咱自己：「敬拜有用心否？」「事奉有用心否？」「靈修有用心否？」「關懷有用心否？」抑是只不過是表面，做乎人看的耳？
如果咱無用心於敬拜，無用心於事奉，無用心於靈修，無用心於關懷，只不過是做乎人看的，安爾咱就是掠作自己是「好額，已經發財，攏無欠缺」、卻是「困苦、可憐、喪鄉、睛盲、褪裼」。安爾，咱就是現世代的老底嘉教會。
或許你欲講，「無啦，不是安爾。我無好額，我有多多欠缺。」安爾，我欲問你，如果你無好額，有多多欠缺，為什麼你無要用心去經營你與上主的關係？你若按算將來需要某咪人的幫助，是不是會代先經營你和彼個人的關係？若進前忽略，無做到；在拜託的進前，是不是會先送禮物或是帶伴手禮？你無用心去經營你與上主的關係，豈不是在表明你無需要上主的逗相共，因為你有非常強的人脈，有代誌找伊都好，不免找上主；或是因為你有非常強的能力，有代誌自己解決，不免勞煩上主？
咱常常掠作自己偌親像約伯一樣，是一位「完全又正直，復敬畏上主，離個諸個歹」的人，也遇著無緣無故的災害，但是不知安怎上主的報答一直無臨到。咱會安爾認為，那是因為咱心靈的目睭睛盲，無看見自己靈命敗壞的情況。有時，咱發現自己不是親像約伯許爾敬虔、完全、正直又離開歹代，但是咱卻講：我已經比多多人較好千倍、萬倍。咱會安爾講，那是因為咱心靈的目睭花，看不清。
求聖神打開咱的心目，俾咱看見自己靈命的狀況。
●跟隨主耶穌
21節是一節非常重要的經文，它講：「得勝的人，我欲俾他與我同坐於我的座位，親像我得勝，來與我的父同坐於他的座位一樣。」主耶穌「得勝」，上主「高升他極高，賞賜彼個名盤過於萬名的頂面的，俾既若於天、於地，與於地下的，於耶穌的名無一個腳頭窩呣跪拜」。咱人「得勝」，榮光的主耶穌和咱同坐桌於榮光的天堂。在此，榮光的主耶穌要咱照他的款式來得勝，也就是跟隨他的腳步，抬十字架行天路來得勝，也就是順服於上主的旨意完成上主交託的使命來得勝。換句話，咱若欲進入天堂，和榮光的主耶穌同坐桌，就是要照他的款式來行。在你做代誌的起頭，你要問自己，「如果是主耶穌，他會安怎做？」在代誌做息，你也要問自己，「我有照耶穌的款式做否？」若無，又問自己，「為什麼我不肯照耶穌的款式來做？」
●良藥苦口
咱的讀榮光的主耶穌寫給七間教會的批的時，咱的心情安怎？聽了《啟示錄》系列的講道了後，咱的心情又是安怎？
絕大部份的信徒要聽的信息是「信耶穌有水牛」，不是「信耶穌有永生」。這隻水牛，會得可換作人想欲得著的，親像錢財、權能、順事、勇健、愛情、親情…等等。但這不是上主應許欲給咱的。聽了見證了後，你要想看嘜，伊的經歷有可能複製於所有的人的身上否？他有可能又複製同款的經歷在他的身上否？若不是，那就不是上主應許給咱的。譬如有人見證講，他駛車來教會來參加聚會，驚歹停車，就祈禱主幫助。在他的車駛近教會的時，發現有一台車抵仔駛離開停車格。這個經歷，可以複製於其他的人的身上否？我知，有多多人找車位找足久了後不得不要停於收費停車場。我想，彼個見證的人也不是逐回來教會，上主攏為他備辦車位。所以那不是上主的應許，是上主對彼個人在彼個時的特別恩寵。上主所應許的只有永生–平安、喜樂，與永遠的活命。
《約伯記》所在表明的，就是咱信仰的歷程。1:1-2:10，是咱人生的實況，就算咱是完全又正直、敬畏上主、離開歹代，猶原會遇著災難、艱難、逆境。2:11-37:24，是人在找求人生的答案。38:1-41:34，是聖神引導人去看見上主的權能與榮光。42:1-6，是人發現自己的有限，誠心順服於上主。42:7-17，是預表人進入天堂所享受的屬天福氣。
我瞭解，聽了《啟示錄》系列的講道了後，咱大家的心情大部分是非常沉重，心裡講，若安爾，咱豈欲又行天路？在這個時，聖神勸勉咱講：「既若我所疼的人，我責備來警戒伊；所以著奮志來反悔。」
如果你尚未可接受這個勸勉，聖神又用一個例，俾你來想，就是：你去做健康檢查，是要醫生隠瞞你的病情，抑是指出你的病情？你豈會因為醫生指出你的病情，就拒絕給彼個醫生來治療你的病？
經文：啟示錄3章14-22節
信息：
弟兄姊妹：平安！
●無冷無熱
相信咱曾聽見人的講，啥咪人無冷無燒，抑是啥咪人無冷無熱。
這個「無冷無熱」是什麼意思？
如果有人咱教會無冷無熱，你會認同否？
●耶穌的自我介紹
這張批和頭前的六張批一樣，一開始榮光的主耶穌攏會介紹自己，而且他的自我介紹攏與收批的教會有非常密切的關係。榮光的主耶穌安爾介紹他自己–作阿們，作忠信真實的干證，作上帝造化的源頭的，…
「阿們」的意思就是真的，真實可靠的。耶穌用「阿們」和「忠信真實」雙重保證他的干證是真的，是可靠的。他在干證什麼？他在干證上主的慈愛、權能與救恩。他將上主的慈愛、權能與救恩完全、透徹表明出來。無親像一些生理人，一再強調產品的優點，卻淡化產品的缺點，甚至完全無提起它的危險性。上主的慈愛、權能與救恩攏非常齊全，無啥咪缺點，但是他會要求人完全的獻身、完全的順服與完全的信靠。
耶穌是上帝造化天地萬物的源頭。在《約翰福音書》1章3節有安爾的記載–萬物從道來創造；既若受創造的，無一項呣是從他來創造。《歌羅西書》1章15-16節安爾記載–他是未得可看見的上帝的像，他是頭一個生的，於攏總受創造者的代先。因為萬物於他來創造，…萬項有攏是從他，也為著他纔受創造。在《箴言》8章22-31節，也有類似的記載。足多人將他所積聚的或是所經歷的攏歸於他自己的能（gau）與辛勞，但是榮光的主耶穌講，一切攏從我此去的。
●無冷無熱的教會
自我介紹了後，榮光的主耶穌責備老底嘉講：「我知你的所做，你是無冷無熱。…」老底嘉城無水源，需要從Denizli引水。但是附近的二座城歌羅西城與希拉坡里城卻因為伊的水泉出名。歌羅西城出冷泉，希拉坡里城出熱泉。泉水若無冷無熱，因為這款的泉水多多，未引起別人的注意。水泉若欲出名，不是要冷，就是要熱。主榮光的耶穌責備老底嘉教會「無冷無熱」，就是講伊未會引起人的注意，來為主作見證。「熱」是指什麼？敬拜火熱，事奉火熱，奉獻火熱；「冷」是指什麼？安靜靈修，理智教導，深沉關懷。「熱」與「冷」是指信仰生活的二種方式。什麼叫做「無冷無熱」？就是：請裁（隨便，馬馬虎虎）。敬拜請裁，事奉請裁，奉獻請裁，靈修請裁，教導請裁，關懷請裁。一切攏無用心，攏是在做給人看耳。
在《約翰福音書》4章，有記載耶穌與一位撒馬利亞婦仁人的對話。在對話中，耶穌傳授敬拜的秘訣–若是時欲到，現今就是，真實敬拜的，卻用神用真實敬拜父，因為父是要這號人敬拜他。（23）真實的敬拜是出於心底（真心，誠實），用敬虔的態度（神魂）。表面、無心、請裁的敬拜、事奉、奉獻、靈修、教導、關懷…上主怎有可能接受？所以榮光的主耶穌講：「我欲吐你出我的嘴。」在《約翰福音書》15章，主耶穌有安爾的教示–我就是葡萄樹，恁就是枝。待於我，也我待於他的，就結果子多多；因為若與我相離，恁就未會做啥咪。人若無待於我，就受棄捨於外面親像枝續枯焦，人撿伊拋落火就燒去。「吐出…嘴」就是無待於主耶穌。
●教會的窘況
為什麼老底嘉教會會變成略溫燒（la-lun-sio），無冷無熱？榮光的主耶穌診斷的結果是–因為你自己講：我是好額，已經發財，攏無欠缺；也呣知你是困苦、可憐、宋鄉、睛暝、褪裼。
老底嘉城是羅馬帝國弗呂家省的行政、貿易和交通中心；政治、商業和運輸為這個地區製造多多財富。這地區出產的羊毛和一帖眼藥非常出名，為多多人帶來好額。會使安爾講，老底嘉城是一個藏有寶藏的礦場，等候人去挖掘。老底嘉教會的信徒，拜一到拜六，全日無閒於掘寶；主日，身於聚會的所在，心卻在外面，計劃禮拜息，就欲去賺錢，欲邀什麼人倒陣吃飯，交陪、講生理。這款全心一意想欲賺錢的人，頭殼裡面所盛的是賺錢的念頭，伊感覺他會得可來禮拜已經給教會足大的面子，欲叫他服事、靈修，那是無可能的代誌。在他心底所想的就是，「我已經有夠好，若無，上主未俾我即好額。」這款的思想可能來自《約伯記》。約伯是一位「完全又正直，復敬畏上主，離個諸個歹」的人，上主賞賜給他多多的財富。特別在苦難了後，上主給他的財富又較多。老底嘉教會因為上主的賞賜夠額，所以「攏無欠缺」；也因為「攏無欠缺」，所以就伊的心裡來講，既然錢會解決一切，上主對伊來講，有無攏無差。
事實上，老底嘉教會是「困苦、可憐、宋鄉、睛瞑、褪裼」。
老底嘉教會在一般人的眼中，是「光鮮亮麗」、行路有風，但在上主的眼中卻是落魄、可憐，若親像流浪漢一樣。因為伊「宋鄉」，伊無積聚財寶於天裡；伊「睛瞑」，伊看未著自己靈命衰微的狀態與屬天的福氣；「褪裼」，伊無為自己所行的歹懺悔認罪。
●治療
榮光的主耶穌診斷了後，就提出治療的藥方，講：「我替你想：著從我買過火鍛鍊的金，可得著好額；復買白裳可穿，俾你無露現褪裼的見誚；復買藥膏來抹你的目睭，俾你會看見。」
老底嘉教會無遇著政治或宗教的困逐，伊受著的困逐是宴樂的困逐，要伊離開上主。針對這個困逐，榮光的主耶穌要伊過簡僕的生活，幫助宋鄉人，積聚財寶在天裡。因為伊無用心於敬拜、事奉與靈命的追求，又縱容自己浪費，繼續犯罪，榮光的主耶穌要伊懺悔認罪，可從他許得著白裳穿。因為看未著自己屬靈的狀況與屬天的福份，榮光的主耶穌要伊懇求聖靈的膏抹，打開伊心靈的目睭。
●疼她，就責備她
榮光的主耶穌已經預見老底嘉教會未堪得承受著他的責備，打消行天路的意願，就又勸勉伊講：「既若我所疼的人，我責備來警戒伊…」在《約翰福音書》6:37有記載耶穌的應許–「既若父所給我的欲攏就近我；就近我的人，我決斷無棄捨他。」在《希伯來書》12:6有記載講：「因為主所疼的，就警戒他，復凡所接納的子，就用鞭打他。」雖然老底嘉教會是無冷熱的教會，雖然主講欲將伊吐出他的嘴，但是她猶原是主所疼的教會，每一間教會攏是主所疼的教會。就因為主疼伊，所以纔責備來警戒她。
榮光的主耶穌勸勉按算放棄行天路的意願的老底嘉教會「著奮志來反悔」。「奮志」就是將欲熄的意願又煽乎它旺（me），然後用心於敬拜、事奉與靈命的追求，避免浪費，節省開銷，又離開歹代，慷慨賙濟，積聚財寶在天裡，又懇求聖神的膏抺，又將心門打開，俾打門的耶穌入來。安爾，伊就欲成作得勝者，伊就欲得著這個大福份，就是：和榮光的主耶穌同坐桌於天堂，享受天頂的筵席。
●有關係否？
這張寫給老底嘉教會的批與咱有關係否？
有。榮光的主耶穌講：「有耳孔的，著聽聖神加諸個教會所講的。」「諸個教會」，不是一間，是幾若間甚至幾若十間、幾若百間。凡是和老底嘉教會有相款情況的教會，就是掠作自己是「好額，已經發財，攏無欠缺」、卻是「困苦、可憐、喪鄉、睛盲、褪裼」的教會，榮光的主耶穌的勸勉是為伊來發出的。
●現世代的老底嘉
到底咱的教會是不是榮光的主耶穌所勸勉的教會？
問咱自己：「敬拜有用心否？」「事奉有用心否？」「靈修有用心否？」「關懷有用心否？」抑是只不過是表面，做乎人看的耳？
如果咱無用心於敬拜，無用心於事奉，無用心於靈修，無用心於關懷，只不過是做乎人看的，安爾咱就是掠作自己是「好額，已經發財，攏無欠缺」、卻是「困苦、可憐、喪鄉、睛盲、褪裼」。安爾，咱就是現世代的老底嘉教會。
或許你欲講，「無啦，不是安爾。我無好額，我有多多欠缺。」安爾，我欲問你，如果你無好額，有多多欠缺，為什麼你無要用心去經營你與上主的關係？你若按算將來需要某咪人的幫助，是不是會代先經營你和彼個人的關係？若進前忽略，無做到；在拜託的進前，是不是會先送禮物或是帶伴手禮？你無用心去經營你與上主的關係，豈不是在表明你無需要上主的逗相共，因為你有非常強的人脈，有代誌找伊都好，不免找上主；或是因為你有非常強的能力，有代誌自己解決，不免勞煩上主？
咱常常掠作自己偌親像約伯一樣，是一位「完全又正直，復敬畏上主，離個諸個歹」的人，也遇著無緣無故的災害，但是不知安怎上主的報答一直無臨到。咱會安爾認為，那是因為咱心靈的目睭睛盲，無看見自己靈命敗壞的情況。有時，咱發現自己不是親像約伯許爾敬虔、完全、正直又離開歹代，但是咱卻講：我已經比多多人較好千倍、萬倍。咱會安爾講，那是因為咱心靈的目睭花，看不清。
求聖神打開咱的心目，俾咱看見自己靈命的狀況。
●跟隨主耶穌
21節是一節非常重要的經文，它講：「得勝的人，我欲俾他與我同坐於我的座位，親像我得勝，來與我的父同坐於他的座位一樣。」主耶穌「得勝」，上主「高升他極高，賞賜彼個名盤過於萬名的頂面的，俾既若於天、於地，與於地下的，於耶穌的名無一個腳頭窩呣跪拜」。咱人「得勝」，榮光的主耶穌和咱同坐桌於榮光的天堂。在此，榮光的主耶穌要咱照他的款式來得勝，也就是跟隨他的腳步，抬十字架行天路來得勝，也就是順服於上主的旨意完成上主交託的使命來得勝。換句話，咱若欲進入天堂，和榮光的主耶穌同坐桌，就是要照他的款式來行。在你做代誌的起頭，你要問自己，「如果是主耶穌，他會安怎做？」在代誌做息，你也要問自己，「我有照耶穌的款式做否？」若無，又問自己，「為什麼我不肯照耶穌的款式來做？」
●良藥苦口
咱的讀榮光的主耶穌寫給七間教會的批的時，咱的心情安怎？聽了《啟示錄》系列的講道了後，咱的心情又是安怎？
絕大部份的信徒要聽的信息是「信耶穌有水牛」，不是「信耶穌有永生」。這隻水牛，會得可換作人想欲得著的，親像錢財、權能、順事、勇健、愛情、親情…等等。但這不是上主應許欲給咱的。聽了見證了後，你要想看嘜，伊的經歷有可能複製於所有的人的身上否？他有可能又複製同款的經歷在他的身上否？若不是，那就不是上主應許給咱的。譬如有人見證講，他駛車來教會來參加聚會，驚歹停車，就祈禱主幫助。在他的車駛近教會的時，發現有一台車抵仔駛離開停車格。這個經歷，可以複製於其他的人的身上否？我知，有多多人找車位找足久了後不得不要停於收費停車場。我想，彼個見證的人也不是逐回來教會，上主攏為他備辦車位。所以那不是上主的應許，是上主對彼個人在彼個時的特別恩寵。上主所應許的只有永生–平安、喜樂，與永遠的活命。
《約伯記》所在表明的，就是咱信仰的歷程。1:1-2:10，是咱人生的實況，就算咱是完全又正直、敬畏上主、離開歹代，猶原會遇著災難、艱難、逆境。2:11-37:24，是人在找求人生的答案。38:1-41:34，是聖神引導人去看見上主的權能與榮光。42:1-6，是人發現自己的有限，誠心順服於上主。42:7-17，是預表人進入天堂所享受的屬天福氣。
我瞭解，聽了《啟示錄》系列的講道了後，咱大家的心情大部分是非常沉重，心裡講，若安爾，咱豈欲又行天路？在這個時，聖神勸勉咱講：「既若我所疼的人，我責備來警戒伊；所以著奮志來反悔。」
如果你尚未可接受這個勸勉，聖神又用一個例，俾你來想，就是：你去做健康檢查，是要醫生隠瞞你的病情，抑是指出你的病情？你豈會因為醫生指出你的病情，就拒絕給彼個醫生來治療你的病？
No comments:
Post a Comment