講題：和解
經文：馬太福音書5章21－26節
信息：
弟兄姊妹：平安！
你前是不是接接受氣？
為什麼你會接接受氣？
是不是別人足要惹你？
咱基督徒豈會可受氣？
咱來聽聖靈安爾教示？
十條誡的第六誡講：「不可害死人。」所以害死人的犯著第六誡，照律法的規定，犯著誡命的應該處死。不過若無張持殺死人的會得可逃往逃城並住於許，都不免被人處死；一直到大祭司過往，他纔可以倒去故鄉。
就因為過去你一直守牢這條誡命，所以你掠作將來永永犯這條誡。這種的推論有瑕疪，你未使因為一個人在過去犯著交通規則，就講他永遠未違規。過去他無違規交通規則，真有可能是因為他尚未遇著造成違規的情境。
有一個故事講，有一個女生，有二個乾甫朋友，已經到於論嫁娶的地步。這二個男生，某甲身體健康，待人處事攏真好勢；另外一個某乙有憂鬱症的病史，但經過醫治，和一般人無啥咪差。如果你是這個女生，你會擇叨一個？如果你是這個女生的家長，你會建議你的查某子選擇叨一個？我想絕大多數的人會選某甲。
這個女生親像一般人一樣選擇某甲的。五年了後，這個某乙的憂鬱症並無又夯起來，也娶某生子；但是某甲作生意失敗受著打擊想未開，得著嚴重的憂鬱症。
親像過去咱一直守牢「不可害死人」這條誡命，有可能是因為咱所受著的剌激尚未到會出手害死人的程度。所以咱宜常常求主保守咱的心，不可俾咱陷落於「會俾人抓狂」的情境。保羅曾勸勉哥林多教會講：「自己掠作徛穩的，著謹慎，驚了跋倒。」（林前10:12）彼得在耶穌被掠彼一暝不是對耶穌誇口講：「眾人雖然為著你來受塞礙，也我永永無受塞礙」（太26:33）？但是在大祭司的院內他三次不認主。
什麼叫做「抓狂」？就是已經失去理智，人的行為完全由情緒所控制。在這款情形中，人可能會打人、罵人、摔物件。豈不是有一個爸爸在受氣中將自己的查某子拋入滾水裡面？
欲安怎避免陷入「抓狂」的情境？①在啲欲發性地的時，趕緊離開現場；②在受氣的時，不可找人理論，也不可決定代誌；③找一個安靜的所在，將內心的哀怨、鬱悴、委屈、受氣攏傾給上主；④你也可拿一張椅子，掠作惹你受氣的人坐在椅仔頂，然後將你想欲對他講的話攏吐吐出來；⑤如果以上的方法無辦法消除你的受氣，你都要找專業來幫助你。
在過去咱攏無害死人，但是發性地罵人，咒詛人加減有。咱一向掠作「罵人」、「咒詛人」不是什麼大歹，如果無人聽見，都無人會對你安怎。但是耶穌卻有無同款的教示，他講：「總是我給尒講，既若受氣他的兄弟的，著受審判；既若對他的兄弟講拉加的，著受公會辦；既若講魔利的，著受地獄的火。」
什麼是「拉加」？什麼是「摩利」？拉加是亞蘭語，摩利是希臘語。拉加和魔利有「腦袋空空」、「廢物」、「笨蛋」的意思。所以若對人發性地，罵他是「廢物」，是「笨蛋」都要落地獄，親像害死人一樣。哇！怎即爾嚴重？為什麼即爾嚴重？
俗語講打狗也要看主人面。想看嘜，彼個被你罵「廢物」、「笨蛋」是啥人創造的？是啥人養飼的。你罵他「廢物」、「笨蛋」是不是等於罵上主講他創造出一個瑕疪品？是不是等於罵上主無才調養飼、栽培，導致彼個人腦袋空空，戇呆，什麼攏未會？
長春詩歌第二集23首的歌詞安爾講，「我用主的疼誠心來疼你，我看見你裡面有主的榮耀，我用主的疼誠心來疼你。」在《創世記》1章有講：上帝講：「咱著造人親像咱的像、照咱的款，…」既然每一個人的身上攏有上主的形像有上主的榮耀，咱豈會得可罵他罵「廢物」、「笨蛋」？
耶穌不是講咱未使指出人的過失，也不是未當責備人的無負責任或是無盡心，是講咱不可侮辱人、看輕人，因為他有上主的形像在他的身上，他是上主所創造的，咱侮辱他等於侮辱上主的創造，看輕人等於看輕上主的創造。所以咱要細禮咱的講話，不可侮辱人，也不可看輕人。
未當侮辱人，未當看輕人，我想咱大家會理解；但是為什麼連受氣都未使？咱欲理解這個，一定要整個22節作陣看。受氣有好幾種，親像耶穌是在受氣中清氣聖殿。雖然四本福音書所描寫耶穌清氣聖殿的過程中，無用「受氣」的字眼，但是從於過程的描寫咱感受著耶穌的受氣。為著正義，為著公理，為著人的好來受氣是被容許的，但是有一個限度就是「受氣不可到日落」。這是保羅的勸勉，他講：「尒受氣不可犯罪；有極受氣，不可到日落。」（弗4:26）耶穌所講這個著受審判的受氣是犯罪的受氣，就是對方無照我的意思去行做的受氣。在職場，人若無頂司的意思去行做，頂司受氣是真當然，因為人受僱就是要執行頂司的命令。用這款的講法來看耶穌在清氣聖殿的受氣，咱都會理解。上主要聖殿成作萬人禱告的殿，聖殿的管理當局卻容許它變成賊巢，上主當然受氣，耶穌當然受氣。親像以色列人無照上主的意思去行做，上主當然受氣；同款咱若無照上主的意思啲行做，也會惹上主的受氣。因為他是咱的主，咱要遵照他的命令去行纔對。在登山寶訓中，耶穌所講這個著受審判的受氣，是發生於兄弟姊妹的相處中。平平是兄弟姊妹，為什麼人一定要照咱的意思啲行做？在你要求人一定要照你的意思啲行做，是不是表白你是他的主？你是他的上主？所以當咱要求人要照咱的意思啲行做的時，咱已經啲搶奪上主的榮耀。莫怪這款受氣的人會受審判。
以後若發現自己啲受氣的時，一定要問自己，「你啲氣什麼？」「你的受氣合理否？」「你有權要人照你的意思行做否？」
有一些受氣是出於「權益受著損害」。如果是安爾，你無需要受氣，你用溫和的態度去向他爭取你的權益；如果對方不聽不睬，也不免受氣，現時會得可透過多多管道保護自己的權益，譬如會得可拜託團體或是地方德高望重的人替你爭取，萬不得已尚有司法這個管道；如果連司法這條管道也無辦法保護你的權益，咱尚有一條路可行，就是求上主替你主持公道。
對於別人的受氣咱欲安怎處理？
雖莽咱無需要為別人的情緒負責，但是如果別人的受氣是因為他的權益受著咱的損害，咱就有責任用解釋、道歉或賠償去化消他的受氣。千萬不可硬拗講，「快樂是可以選擇的，為什麼他不選擇快樂？」「這有什麼可受氣的？過去人亦曾安爾對待我，我都無受氣。」
在耶穌的時代與在舊約時代在祭壇獻禮物，有二個可能，第一是得罪人得罪上主，藉著贖罪祭來贖罪。第二是感謝上主的恩典與賞賜，藉著平安祭來感謝。如果別人因為他的權益受著咱的損害來受氣，當咱懇求上主赦免咱的罪的時，上主會講，你尚未去處理你對人的虧欠，我豈有可能處理你對我的虧欠？當咱為著所領受的恩典感謝上主的時，上主會講，你若真正欲報答我的賞賜，你知我上愛的是什麼，就是你和人和好。你著代先去和彼個人和解，然後纔來感謝我。
有足多時陣，咱會為著上主無聽咱的祈禱來受氣，卻無反省自己是不是做不對什麼，導致上主無將咱所要的賞賜給咱？如果咱虧欠人，不肯去道歉、賠償，咱怎有理由受氣上主無聽咱的祈禱。《詩篇》66篇講：「我若心內注重罪惡，主的確無欲聽。」（18）為什麼上主無接納該隱的禮物？上主對他講：「你啥事受氣？你啥事變面？你若行好，豈無得著悅納？」（創4:6f）
有足多時陣，咱會著所遇著的歹代來受氣，講上主無照顧你，卻無反省這個歹代是不是自己做得來的？咱若欠人錢不還，或是損害人的權益卻不道歉、賠償，人報警或是上法院按鈴控告，然後被判賠償或判刑，這是咱自己做得來，怎會使怪上主怪人？
人際關係是非常講究「互相」。當我需要的時你幫助我，以後你有需要的時咱也會加你逗相共。當然咱會期待人因為主的疼來疼咱，但是人也會期待咱因為主的疼來疼他。有真多時陣不是兄姊無疼心，是咱無關心兄姊。所以在受氣人受氣上主的時，要反省自己，看自己是安怎對待人對待上主。
弟兄姊妹：
《詩篇》133篇講：「看啊，兄弟和好相與企起，是何等的好，何等的安樂！這可比併彼個貴重的油斟於頭殼頂，流到嘴鬚，就是亞倫的嘴鬚；復流到他的裳仔裾；也可比併黑門的露水落於錫安諸個山；因為在彼耶和華有定著賜福，就是永遠的活命。」
相信咱攏足意愛和人和好相與企起，但是為什麼有許爾多的代誌惹咱受氣？其實多多的受氣是咱自己造成的，所以咱要問自己：「你啲氣什麼？」「你的受氣合理否？」「你有權要人照你的意思行做否？」
又一些受氣是咱自己選擇的，咱要問自己，「有必要選擇受氣嗎？」
又一些受氣是咱自己惹出來的，咱要問自己，「這件代誌是不是我自己惹出來的？」
經文：馬太福音書5章21－26節
信息：
弟兄姊妹：平安！
你前是不是接接受氣？
為什麼你會接接受氣？
是不是別人足要惹你？
咱基督徒豈會可受氣？
咱來聽聖靈安爾教示？
十條誡的第六誡講：「不可害死人。」所以害死人的犯著第六誡，照律法的規定，犯著誡命的應該處死。不過若無張持殺死人的會得可逃往逃城並住於許，都不免被人處死；一直到大祭司過往，他纔可以倒去故鄉。
就因為過去你一直守牢這條誡命，所以你掠作將來永永犯這條誡。這種的推論有瑕疪，你未使因為一個人在過去犯著交通規則，就講他永遠未違規。過去他無違規交通規則，真有可能是因為他尚未遇著造成違規的情境。
有一個故事講，有一個女生，有二個乾甫朋友，已經到於論嫁娶的地步。這二個男生，某甲身體健康，待人處事攏真好勢；另外一個某乙有憂鬱症的病史，但經過醫治，和一般人無啥咪差。如果你是這個女生，你會擇叨一個？如果你是這個女生的家長，你會建議你的查某子選擇叨一個？我想絕大多數的人會選某甲。
這個女生親像一般人一樣選擇某甲的。五年了後，這個某乙的憂鬱症並無又夯起來，也娶某生子；但是某甲作生意失敗受著打擊想未開，得著嚴重的憂鬱症。
親像過去咱一直守牢「不可害死人」這條誡命，有可能是因為咱所受著的剌激尚未到會出手害死人的程度。所以咱宜常常求主保守咱的心，不可俾咱陷落於「會俾人抓狂」的情境。保羅曾勸勉哥林多教會講：「自己掠作徛穩的，著謹慎，驚了跋倒。」（林前10:12）彼得在耶穌被掠彼一暝不是對耶穌誇口講：「眾人雖然為著你來受塞礙，也我永永無受塞礙」（太26:33）？但是在大祭司的院內他三次不認主。
什麼叫做「抓狂」？就是已經失去理智，人的行為完全由情緒所控制。在這款情形中，人可能會打人、罵人、摔物件。豈不是有一個爸爸在受氣中將自己的查某子拋入滾水裡面？
欲安怎避免陷入「抓狂」的情境？①在啲欲發性地的時，趕緊離開現場；②在受氣的時，不可找人理論，也不可決定代誌；③找一個安靜的所在，將內心的哀怨、鬱悴、委屈、受氣攏傾給上主；④你也可拿一張椅子，掠作惹你受氣的人坐在椅仔頂，然後將你想欲對他講的話攏吐吐出來；⑤如果以上的方法無辦法消除你的受氣，你都要找專業來幫助你。
在過去咱攏無害死人，但是發性地罵人，咒詛人加減有。咱一向掠作「罵人」、「咒詛人」不是什麼大歹，如果無人聽見，都無人會對你安怎。但是耶穌卻有無同款的教示，他講：「總是我給尒講，既若受氣他的兄弟的，著受審判；既若對他的兄弟講拉加的，著受公會辦；既若講魔利的，著受地獄的火。」
什麼是「拉加」？什麼是「摩利」？拉加是亞蘭語，摩利是希臘語。拉加和魔利有「腦袋空空」、「廢物」、「笨蛋」的意思。所以若對人發性地，罵他是「廢物」，是「笨蛋」都要落地獄，親像害死人一樣。哇！怎即爾嚴重？為什麼即爾嚴重？
俗語講打狗也要看主人面。想看嘜，彼個被你罵「廢物」、「笨蛋」是啥人創造的？是啥人養飼的。你罵他「廢物」、「笨蛋」是不是等於罵上主講他創造出一個瑕疪品？是不是等於罵上主無才調養飼、栽培，導致彼個人腦袋空空，戇呆，什麼攏未會？
長春詩歌第二集23首的歌詞安爾講，「我用主的疼誠心來疼你，我看見你裡面有主的榮耀，我用主的疼誠心來疼你。」在《創世記》1章有講：上帝講：「咱著造人親像咱的像、照咱的款，…」既然每一個人的身上攏有上主的形像有上主的榮耀，咱豈會得可罵他罵「廢物」、「笨蛋」？
耶穌不是講咱未使指出人的過失，也不是未當責備人的無負責任或是無盡心，是講咱不可侮辱人、看輕人，因為他有上主的形像在他的身上，他是上主所創造的，咱侮辱他等於侮辱上主的創造，看輕人等於看輕上主的創造。所以咱要細禮咱的講話，不可侮辱人，也不可看輕人。
未當侮辱人，未當看輕人，我想咱大家會理解；但是為什麼連受氣都未使？咱欲理解這個，一定要整個22節作陣看。受氣有好幾種，親像耶穌是在受氣中清氣聖殿。雖然四本福音書所描寫耶穌清氣聖殿的過程中，無用「受氣」的字眼，但是從於過程的描寫咱感受著耶穌的受氣。為著正義，為著公理，為著人的好來受氣是被容許的，但是有一個限度就是「受氣不可到日落」。這是保羅的勸勉，他講：「尒受氣不可犯罪；有極受氣，不可到日落。」（弗4:26）耶穌所講這個著受審判的受氣是犯罪的受氣，就是對方無照我的意思去行做的受氣。在職場，人若無頂司的意思去行做，頂司受氣是真當然，因為人受僱就是要執行頂司的命令。用這款的講法來看耶穌在清氣聖殿的受氣，咱都會理解。上主要聖殿成作萬人禱告的殿，聖殿的管理當局卻容許它變成賊巢，上主當然受氣，耶穌當然受氣。親像以色列人無照上主的意思去行做，上主當然受氣；同款咱若無照上主的意思啲行做，也會惹上主的受氣。因為他是咱的主，咱要遵照他的命令去行纔對。在登山寶訓中，耶穌所講這個著受審判的受氣，是發生於兄弟姊妹的相處中。平平是兄弟姊妹，為什麼人一定要照咱的意思啲行做？在你要求人一定要照你的意思啲行做，是不是表白你是他的主？你是他的上主？所以當咱要求人要照咱的意思啲行做的時，咱已經啲搶奪上主的榮耀。莫怪這款受氣的人會受審判。
以後若發現自己啲受氣的時，一定要問自己，「你啲氣什麼？」「你的受氣合理否？」「你有權要人照你的意思行做否？」
有一些受氣是出於「權益受著損害」。如果是安爾，你無需要受氣，你用溫和的態度去向他爭取你的權益；如果對方不聽不睬，也不免受氣，現時會得可透過多多管道保護自己的權益，譬如會得可拜託團體或是地方德高望重的人替你爭取，萬不得已尚有司法這個管道；如果連司法這條管道也無辦法保護你的權益，咱尚有一條路可行，就是求上主替你主持公道。
對於別人的受氣咱欲安怎處理？
雖莽咱無需要為別人的情緒負責，但是如果別人的受氣是因為他的權益受著咱的損害，咱就有責任用解釋、道歉或賠償去化消他的受氣。千萬不可硬拗講，「快樂是可以選擇的，為什麼他不選擇快樂？」「這有什麼可受氣的？過去人亦曾安爾對待我，我都無受氣。」
在耶穌的時代與在舊約時代在祭壇獻禮物，有二個可能，第一是得罪人得罪上主，藉著贖罪祭來贖罪。第二是感謝上主的恩典與賞賜，藉著平安祭來感謝。如果別人因為他的權益受著咱的損害來受氣，當咱懇求上主赦免咱的罪的時，上主會講，你尚未去處理你對人的虧欠，我豈有可能處理你對我的虧欠？當咱為著所領受的恩典感謝上主的時，上主會講，你若真正欲報答我的賞賜，你知我上愛的是什麼，就是你和人和好。你著代先去和彼個人和解，然後纔來感謝我。
有足多時陣，咱會為著上主無聽咱的祈禱來受氣，卻無反省自己是不是做不對什麼，導致上主無將咱所要的賞賜給咱？如果咱虧欠人，不肯去道歉、賠償，咱怎有理由受氣上主無聽咱的祈禱。《詩篇》66篇講：「我若心內注重罪惡，主的確無欲聽。」（18）為什麼上主無接納該隱的禮物？上主對他講：「你啥事受氣？你啥事變面？你若行好，豈無得著悅納？」（創4:6f）
有足多時陣，咱會著所遇著的歹代來受氣，講上主無照顧你，卻無反省這個歹代是不是自己做得來的？咱若欠人錢不還，或是損害人的權益卻不道歉、賠償，人報警或是上法院按鈴控告，然後被判賠償或判刑，這是咱自己做得來，怎會使怪上主怪人？
人際關係是非常講究「互相」。當我需要的時你幫助我，以後你有需要的時咱也會加你逗相共。當然咱會期待人因為主的疼來疼咱，但是人也會期待咱因為主的疼來疼他。有真多時陣不是兄姊無疼心，是咱無關心兄姊。所以在受氣人受氣上主的時，要反省自己，看自己是安怎對待人對待上主。
弟兄姊妹：
《詩篇》133篇講：「看啊，兄弟和好相與企起，是何等的好，何等的安樂！這可比併彼個貴重的油斟於頭殼頂，流到嘴鬚，就是亞倫的嘴鬚；復流到他的裳仔裾；也可比併黑門的露水落於錫安諸個山；因為在彼耶和華有定著賜福，就是永遠的活命。」
相信咱攏足意愛和人和好相與企起，但是為什麼有許爾多的代誌惹咱受氣？其實多多的受氣是咱自己造成的，所以咱要問自己：「你啲氣什麼？」「你的受氣合理否？」「你有權要人照你的意思行做否？」
又一些受氣是咱自己選擇的，咱要問自己，「有必要選擇受氣嗎？」
又一些受氣是咱自己惹出來的，咱要問自己，「這件代誌是不是我自己惹出來的？」
No comments:
Post a Comment