講題：使他走當行的路
經文：箴言22章6節
弟兄姊妹：平安！
●子不教，父之過
有一句安爾講：「子不教，父之過。」意思就是：囝仔若無受教，就是父母的過失。因為囝仔出世偌親像白紙，這張白紙頂面是什麼款的線條，是什麼的色緻，是咱作父母造成的或容許人在頂面留下的。所以《箴言》勸勉咱作父母的，「教養囝仔，著用合宜的法，就他到老也無歪斜。」一欉樹仔或是一個盆栽，在它尚細欉的時，咱若調俾它直，大欉了後，它就直直。
●合宜的法？
什麼是教養囝仔的合宜的法？
如果咱的囝仔的頭殼是電腦，安爾，都好辦；咱會得可去市面上選一些咱看做好的軟體，買轉來。然後將軟體一個一個灌入囝仔的頭殼裡；然後又設計一個自動程式，來控制諸個軟體，咱的囝仔都成作咱所意愛的款。安爾是足省事，咱也未操煩；但是咱的囝仔都不再是人，是電腦，是機器人。人的可愛就在於他的變化是在咱的意料之外，平平是笑容，一個是在咱的意料中來發生，一個是在咱的意料外來發生，帶給咱的感受都無同。
倒底什麼合宜的法？
在舊約有一段經文的加咱講這個合宜的法，就是《申命記》6章6－9節。
我今仔日所命令你諸個話著記於你的心，也著用這勤勤教示你的子兒。無論你坐於厝內，行於路裡，睏抑是起來，攏著講論。也著縛於你的手作記號，戴於你二蕊目睭的中央作紀念；閣寫於你的厝的門豎，以及你的門。
這段聖經節加咱講的合宜的法的第一個，就是教示。
●教導
摩西對以色列百姓安爾講：「我今仔日所命令你諸個話著記於你的心，也著用這勤勤教示你的子兒。無論你坐於厝內，行於路裡，睏抑是起來，攏著講論。」也就是講，咱著將咱所知的傳授給咱的囝仔。這個傳授，不是上課，不是說教。這個傳授是機會教育。你看摩西安爾講？「無論你坐於厝內，行於路裡，睏抑是起來，攏著講論。」「行於路裡」的時，譬如看見好人好事，你都要加囝仔講：「這個人是好人，我期待你會得可和他同款。」若看見壞人壞事，你都對囝仔講：「這款歹代，咱不可做。」又「睏」的時，以色列人古昔一家口仔睏作伙，囝仔難免受要求父母講故事，若親像咱現時的床邊故事。床邊故事講了，鼓勵囝仔親像故事中的主角一樣做對的代誌。橫直就是找機會向囝仔展示好的模範給他來學。囝仔上會得可接受的展示的方法，就是故事，或是人的經歷，或是尒的共同經歷。
想看嘜，過去你較常在什麼情況的教示囝仔？是不是在囝仔犯錯的時？彼時你的面chiung豈會好看？囝仔看見你的面chiung都嚇到破膽，豈有可能將你的話聽入心？
《申命記》6章6－9節加咱講的合宜的法的第二個，就是示範。
●示範
摩西勸勉以色列百姓講：「也著縛於你的手作記號，戴於你二蕊目睭的中央作紀念；閣寫於你的厝的門豎，以及你的門。」這句話的意思不是要咱將經文抄於紙裡，縛於咱的手或是二蕊目睭的中間，也不是要咱將它寫在門豎邊或門楣，是講咱的做啥、的看啥的時，或是出門、入門的時，攏要將上主的誡命行出來，留落好的模樣給咱的囝仔看。我舉幾個例來說明。
有一回我去某一間病院探訪病人。了後，就坐電梯落樓，欲轉去。電梯溜到某一樓的時，停落來，門打開，有二位在病房服務的人入來。這是真正常的代誌。電梯門關起來，又繼續溜，又停落來，門打開，彼個人出去。彼時我的心情足無爽快，因為電梯只有溜一樓耳。我心內想，只有一樓，為什麼不行樓梯？尚未離開病院進前，想講怎著因為別人的錯誤來影響自己的心情？都無又為這件事受氣。後來在一個機會和教會的青年分享這件事。有一位青年加我講，「不過，我攏坐電梯到禮拜堂。」這句話摃醒我，我也三不五時也會坐電梯從一樓到禮拜堂，或是從禮拜堂至一樓。然後我想起古昔以前的一個廣告－要刮別人的鬍子，先刮自己的。
如果咱責備別人的歹所行，自己卻的行。你想咱的囝仔會安怎想？如果你教示囝仔講什麼歹代未使行，彼項歹代卻是你的做的，你想你的囝仔豈會心服？
在座有青少年。盼望你們聽見這個道理之後，遇見你的父母有類似的行為，你要感念他們對你的養育之恩，不可頂嘴說：「要刮別人的鬍子，先刮自己的。」你的父母是人，人總會犯錯。你只要將這種事放在心裡，勉勵自己：「以後我教養孩子一定是『要刮別人的鬍子，先刮自己的』。」
有一日欲坐車去辦代誌。在車牌仔附近等車的時，看見我欲坐彼路的車來，我都揮手。又看見後面又有同路線的一班車來。頭前彼班車，人較多，我都想欲坐後面彼班，都加它揮手。彼時我好親像變作隱形人，公車的司機無看見我的揮手，駛過去。
如果你遇著這款情形，你會安怎？你若為著這件事的受氣，四處tau乎人聽；另日，你的教示囝仔「萬項事相與來俾疼上帝的人得利益」，囝仔會安怎想？
彼日遇著這件代誌，坦白講，我不是聖人，彼一瞬間，我足想欲開講罵。但我忍落來，自我消遣講，「我若是美女，司機一定會停落來。」無偌久，一台別路線的車來，猶原會得可到我欲去的所在，我就坐起去。在車上，我的想：如果彼台車若停落來乎我坐，有可能我有另外一個人生，但是上主無要我遇著彼款的人生，就安排這這台車給我坐。換句話講，這項事是欲俾我得著利益。
我的準備這篇道理的時，我有一個相信，上主欲藉著我這個經歷俾你又較明白什麼是「萬項事相與來疼上主的人得著利益」。
前幾日讀著一篇文章，它講：囝仔這個時需要倚靠你，所以無論安怎無願意，到尾他會屈服你。但是當他的翅股硬，他都不睬你。又另天，你若要倚靠他的時，無論安怎無願意，到尾你都要聽他的。
這篇文章是的提起：咱所做的，囝仔看了就囥在心底，有樣學樣。伊不若用咱的方法對待伊的囝仔，當咱需要依伊的時，伊也會用咱的方法對待咱。
今天我會講這些，是希望提醒你不要在你翅膀硬的時候，對你父母恩斷情絕，不要在你父母要仰賴你時「以眼還眼，以牙還牙」。你父母是人，是人就不完全。上主讓你碰到不完全的父母，不是要懲罰你，而是要你對人更寬容；同時，也是要提醒你將來教養孩子時要小心，不然你會在你兒女的身上犯同樣的錯誤。
《申命記》6章6－9節向咱透露二個教養囝仔的合宜的法，一個是教示，一個是示範。但是這二個法欲發生功效，要又加一味，就是關心。
咱知咱的骨頭需要鈣質的補充，若無到老都有可能發生骨質疏鬆。欲得著鈣質，牛奶是一個真好的來源。但是咱人體欲吸收牛奶中的鈣，需要維生素D。咱的身體需要曬日頭，纔會製造維生素D。關心都偌親像陽光，教示和示範若親像牛奶的鈣。有關心，教示和示範，攏纔會發生效果。
●關心
我相信咱中間絕大部分的人的聽我的講道，是揀尒介意聽的來聽，若是尒無介意聽的，尒會囥在邊仔，心內想豈有影是安爾？但是若換尒的林傳道抑是張簡傳道來講這篇信息，尒的反應一定無同，尒不若揀介意聽的來聽，彼個尒無介意聽的，尒未囥在邊仔，尒會囥在心底，因為尒知尒的傳道疼尒，關心尒，一定未害尒。
同款的道理，囝仔若知咱的關心伊，伊的心門都打開。就算伊聽著伊無介意的，伊也會聽入去，因為他知咱未害他，咱未苦毒他，咱未利用他。如果囝仔若未得可體會著咱的疼，伊的心門都關的，他的耳仔也關的，你講千次萬次攏是白講，反轉乎他嫌嚕嗦，嘮叨。
咱攏關心咱的囝仔，為什麼咱的囝仔未得可感受著咱的關心？因為咱的關心不是伊所要的。想看嘜，咱是安怎的表示咱的關心？「功課做了抑否？」「不可又玩電腦，入去房間做功課。」「這個時是什麼時陣，你尚有時間看電視？」「後回你若又拿這款分數倒來，你的皮的pi較緊。」「你嘛較差不多le，一個月的通話費二、三千元？你不掠作我是的開銀行、印銀票的？」…
講到即，你心裡一定會不服講：「無你講看嘜，阮宜怎樣表示阮的關心？」
坦白加咱講，我嘛不知。但是我知，我要為著我的囝仔祈禱，我要為著我的教養祈禱主。盼望咱常常為著咱的囝仔、為著咱的教養祈禱。
在此也盼望咱在座的少年人，「如果你的父母不瞭解你的話，不要太苛責你的父母。你是一個獨一無二的人，在你來到這世界之前，他們從來沒有碰過跟你一模一樣的人，他們對怎樣扶養你一點經驗都沒有，他們對怎樣關心你一點概念都沒有，他們必須在沒有任何的資訊中摸索，從錯誤中去學習。希望你們對他們多寬容一點，對他們的不關心多擔待一些，因為至少他們很努力賺錢，沒讓你餓著、凍著。就因為他們是生手，所以你多少幫忙他們一點，用你能夠的方法去表達你的愛，用愛去打通你們之間的障礙。」
弟兄姊妹：
在《使徒行傳》有記載一位埃提阿伯的太監到耶路撒冷敬拜。敬拜息，就坐車轉去。在這進前，聖靈吩咐腓力去路裡等他。等彼張車進倚的時，聖靈要腓力依過去。腓力一倚過去，聽見他的讀以賽亞的冊，就問他：「你所讀的，你會明白嗎？」彼人應講：「無人指示我，豈可會？」
對，無人教養咱的囝仔，伊欲安怎會？今仔日，聖經已經教示咱安怎教養咱的囝仔二個方法，合宜的方法，就是①教示、②示範。但是要教示與示範發生功效，一定要有關心。如果你的關心囝仔體會未著，你一定要來到上主面前，求他的幫助。
No comments:
Post a Comment