講題：你全然棄掉我們嗎？
經文：耶利米書14章19-22節
信息：（請用台語閱讀）
前言：
弟兄姊妹：平安！
今仔日是待降節的第二主日，教會所訂的主題是求告。
啟：
因為天時地利人和，大衛王朝是以色列民族在宗教上、政治上上強盛的朝代。在大衛做王的時代，彌賽亞的觀念漸漸形成。大衛有心欲為上主起殿，上主不准他，但是應許他的後裔欲做王到萬世代。自從這個國家分做南北兩國了後，國家漸漸衰微，無論在政治上和在宗教上。彌賽亞救世主的期待愈來愈浮現在以色列民眾的心中，特別是受著外族的欺負的時，這個期待特別強烈，這個期待會催迫人迫切向上主求討，求上主差遣彌賽亞救世主來地面上，拯救伊脫離外族強暴的手。
承：
「求就得著」的心理就在咱人的心中。受著凌虐的以色列人，因為是上主從萬國萬族中間揀選的，就會認為上主會因為伊的關係特別照顧伊，只要伊求，上主就欲給伊。或是因為伊已經真心懺悔認罪，上主應該收回他攻擊的手，將伊從許個凌辱中拉出來。但是伊所遇的經歷通常不是安爾。上主好親像不睬伊，導致在許個求叫的人的心有這款的聲，「你一盡棄捨阮嗎？」
《耶利米書》14章19-22節是一個典型的例。
這段是一篇的祈禱文，它的背景是：猶大人悖逆上主，放蕩作歹。上主決意欲刑罰伊，並命令耶利米不可為他代禱。上主通過耶利米對伊猶大人講起將來欲發生的代誌，一開始猶大人欲遇著飢荒，續接都是刀劍與瘟疫。從諸個災難，猶大人意識到上主的受氣和自己的罪，就離開彼個歹；但是因為上主決意欲刑罰伊，所以災難並無因為伊的離開歹來停止。就因為災難好親像無停止的一日，所以猶大人埋怨上主講：
「你一盡棄捨猶大嗎？你的心厭惡錫安嗎？」－諸個災難一個續接一個，到路尾猶大人會死到無半個。所以伊問上主，你欲刑罰到持時？若又繼續落去，阮一定會死到無半個。豈講你欲剿滅阮所有的猶大人？你豈厭惡阮到這個程度？
「啥事打阮，亦無可得著醫治？阮向望平安，亦無有福氣；向望醫治的機會，無打算遇著驚惶。」－人受傷總向望得到治療，卻得著驚惶；人遇著災難總向望有平安，卻無福氣脫離災難。人總向望「心想事成」－心有安怎的向望，無偌久，彼個向望就實現。但是彼當時的猶大人卻是「心想事不成」。
「耶和華啊，阮認自己的罪惡，與阮的列祖的罪過，因為阮得罪你。」－起頭猶大人意識著刑罰是伊的罪惡所引起的，就承認伊有罪；但是看見災難並沒因為伊的認罪就停止，伊就認為刑罰的發生，不若是伊的罪惡所引起的，伊的列祖犯罪是另外一個原因，所以伊也替伊的列祖承認自己有罪。可惜，諸個災難猶原繼續啲進行。
「求你因為你的名的緣故，莫得厭惡阮，莫得凌辱你榮光的寶座。」
「榮光的寶座」就是耶路撒冷城。如果承認自己有罪，又替自己列祖承認有罪，尚不得可使上主滿意來停止刑罰，猶大人意識著一定尚有什麼伊不知的原因，使上主不肯停止刑罰猶大人。伊就求上主為著自己的名受著外邦人的凌辱，不可厭惡伊，也不可凌辱聖殿的所在－耶路撒冷城。一旦外族攻入耶路撒冷城，一定會衝入聖殿搶奪裡面的金銀財寶，這就是伊所講的－「凌辱你榮光的寶座」；攻入耶路撒冷城的外族也一定會凌辱住於城內的猶大人，人就欲講上主無才調保護猶大人，安爾上主的聖名都受到凌辱。
猶大人又驚萬不一上主因為厭惡猶大人，無顧他的聖名和他的聖殿受著外族的褻瀆，繼續刑罰猶大人，只好求上主追念他和伊所立的約－「求你追念，莫得背你與阮所立的約。」可惜，上主無因為安爾來停止刑罰。到這時，猶大人纔發現自己已經積聚偌爾深的罪惡，惹上主偌爾多的受氣，都認份，祈禱講：
外邦無影跡的神明，有一個會落雨嗎？天會自己落大雨嗎？耶和華－阮的上帝啊，會安爾的豈不是你嗎？所以阮猶原欲等候你，因為這攏是你所做的。
猶大人承認伊所有的福份攏是從上主來的，所以伊甘願承受刑罰，也欲等候上主的憐憫，縮回他的手，停止他的攻擊。
轉：
今仔日的經文對咱有什麼款的教示？
和：
豈採在這個時，咱自己正在承受真大的苦難，豈採是病痛一直無得著醫治，豈採是家庭的經濟發生問題，豈採是人際關係出了問題，受著極大的委屈。咱承認咱的罪，也離開許個歹，但是咱的苦難猶原在著；咱下願，盼望上主救咱脫離苦難，但是上主好親像不睬咱。魔鬼定定在咱的耳孔邊的勸咱，講：「這款的上主，你豈欲又信？不曾遇見親像你即爾how呆的。」
在這個時，咱千萬不可放棄咱的信仰，千萬不可離開咱的上主，因為咱一切的福份攏是從上主許來的。咱千萬要會記得，基督教信仰不是交易的信仰－「上主您答應將來給我這個那個，此時，我就尊你做主，聽從你的話；如果將來你無照約定的給我這個那個，我就欲離開你，找另外一個會得可給我這個彼個的」。基督教信仰是感恩的信仰－「上主你過去即爾疼我，給我這個彼個，所以此時，我欲尊你做主，順從你的旨意；就算將來你無給我什麼，我猶原尊你做主」。
咱千萬要會記得基督教的信仰，不是交易的信仰，是感恩的信仰。
哈巴谷先知與耶利米先知是同時代的人。起頭哈巴谷埋怨上主，為著猶大人無因為罪孽的緣故受刑罰。後來哈巴谷埋怨上主，為著猶大人受著巴比倫人過份的凌辱。在他祈禱的路尾，咱又可發現基督教信仰的另一個本質，就是盼望的信仰。
他安爾祈禱：（哈3:17f, 1039）
我聽見我的心腸攪絞，為著彼個聲（都是對敵戰馬、戰車闖來闖去的聲與敵軍大聲喊喝的聲），我的嘴唇kheh-kheh-tio（喀喀抖），骨骸朽壞（都是人驚兮欲un落去）；我於我的所在愕愕惙。我只有恬恬等候災難的日到，侵犯境內的百姓（都是巴比倫軍隊）上來。
諸個話是在描寫他驚惶的心情。然後他又安爾講：
雖然無花果樹無發樣，葡萄樹無結果子，橄欖樹也無收成，田園無出五穀，廄內無並隻羊，牛廄也無牛；
諸個話是在講彼當時猶大人物質生活的欠缺。然後他又安爾祈禱講：
我尚且欲因為耶和華來歡喜，因為救我的上帝來快樂。主耶和華是我的氣力；他使我的腳親像鹿母，復使我行於我高的所在。
鹿母欲倒轉去照顧它的鹿仔子的時，它的腳是偌爾有力，它的速度是偌爾快。哈巴谷先知在猶大人所面臨的苦境中有這個盼望，都是伊有夠額的勇氣去面對這個苦境，伊有夠額的氣力去承受這個苦難。
親像保羅所傳授的，咱在盼望的，不是看會著，是彼個看未著的。他安爾講：「所以，阮無餒志。阮的外體雖然敗壞，若是阮的內心日日換新。因為阮目眨久輕輕的艱苦，是共阮成上等上、永遠的大榮光。因為阮呣是看於所會看見的，是看於所未看見的；因為所會看見的是暫時，所未看見的是永遠。」（林後4:16f, 205）
結論：
弟兄姊妹：
咱的信仰不是交易的信仰－你答應給我啥咪，我就信你；你若無照約定行，我就欲離開你，去信別的神。
咱的信仰應該是感恩的信仰－過去你即爾疼我，所以我信你，尊你做大；就算以後，你無給我啥咪，我猶原信你。
咱的信仰也是感恩的信仰－無論現時我所遇著的是什麼款的境遇，我攏欲信你，依靠你。
經文：耶利米書14章19-22節
信息：（請用台語閱讀）
前言：
弟兄姊妹：平安！
今仔日是待降節的第二主日，教會所訂的主題是求告。
啟：
因為天時地利人和，大衛王朝是以色列民族在宗教上、政治上上強盛的朝代。在大衛做王的時代，彌賽亞的觀念漸漸形成。大衛有心欲為上主起殿，上主不准他，但是應許他的後裔欲做王到萬世代。自從這個國家分做南北兩國了後，國家漸漸衰微，無論在政治上和在宗教上。彌賽亞救世主的期待愈來愈浮現在以色列民眾的心中，特別是受著外族的欺負的時，這個期待特別強烈，這個期待會催迫人迫切向上主求討，求上主差遣彌賽亞救世主來地面上，拯救伊脫離外族強暴的手。
承：
「求就得著」的心理就在咱人的心中。受著凌虐的以色列人，因為是上主從萬國萬族中間揀選的，就會認為上主會因為伊的關係特別照顧伊，只要伊求，上主就欲給伊。或是因為伊已經真心懺悔認罪，上主應該收回他攻擊的手，將伊從許個凌辱中拉出來。但是伊所遇的經歷通常不是安爾。上主好親像不睬伊，導致在許個求叫的人的心有這款的聲，「你一盡棄捨阮嗎？」
《耶利米書》14章19-22節是一個典型的例。
這段是一篇的祈禱文，它的背景是：猶大人悖逆上主，放蕩作歹。上主決意欲刑罰伊，並命令耶利米不可為他代禱。上主通過耶利米對伊猶大人講起將來欲發生的代誌，一開始猶大人欲遇著飢荒，續接都是刀劍與瘟疫。從諸個災難，猶大人意識到上主的受氣和自己的罪，就離開彼個歹；但是因為上主決意欲刑罰伊，所以災難並無因為伊的離開歹來停止。就因為災難好親像無停止的一日，所以猶大人埋怨上主講：
「你一盡棄捨猶大嗎？你的心厭惡錫安嗎？」－諸個災難一個續接一個，到路尾猶大人會死到無半個。所以伊問上主，你欲刑罰到持時？若又繼續落去，阮一定會死到無半個。豈講你欲剿滅阮所有的猶大人？你豈厭惡阮到這個程度？
「啥事打阮，亦無可得著醫治？阮向望平安，亦無有福氣；向望醫治的機會，無打算遇著驚惶。」－人受傷總向望得到治療，卻得著驚惶；人遇著災難總向望有平安，卻無福氣脫離災難。人總向望「心想事成」－心有安怎的向望，無偌久，彼個向望就實現。但是彼當時的猶大人卻是「心想事不成」。
「耶和華啊，阮認自己的罪惡，與阮的列祖的罪過，因為阮得罪你。」－起頭猶大人意識著刑罰是伊的罪惡所引起的，就承認伊有罪；但是看見災難並沒因為伊的認罪就停止，伊就認為刑罰的發生，不若是伊的罪惡所引起的，伊的列祖犯罪是另外一個原因，所以伊也替伊的列祖承認自己有罪。可惜，諸個災難猶原繼續啲進行。
「求你因為你的名的緣故，莫得厭惡阮，莫得凌辱你榮光的寶座。」
「榮光的寶座」就是耶路撒冷城。如果承認自己有罪，又替自己列祖承認有罪，尚不得可使上主滿意來停止刑罰，猶大人意識著一定尚有什麼伊不知的原因，使上主不肯停止刑罰猶大人。伊就求上主為著自己的名受著外邦人的凌辱，不可厭惡伊，也不可凌辱聖殿的所在－耶路撒冷城。一旦外族攻入耶路撒冷城，一定會衝入聖殿搶奪裡面的金銀財寶，這就是伊所講的－「凌辱你榮光的寶座」；攻入耶路撒冷城的外族也一定會凌辱住於城內的猶大人，人就欲講上主無才調保護猶大人，安爾上主的聖名都受到凌辱。
猶大人又驚萬不一上主因為厭惡猶大人，無顧他的聖名和他的聖殿受著外族的褻瀆，繼續刑罰猶大人，只好求上主追念他和伊所立的約－「求你追念，莫得背你與阮所立的約。」可惜，上主無因為安爾來停止刑罰。到這時，猶大人纔發現自己已經積聚偌爾深的罪惡，惹上主偌爾多的受氣，都認份，祈禱講：
外邦無影跡的神明，有一個會落雨嗎？天會自己落大雨嗎？耶和華－阮的上帝啊，會安爾的豈不是你嗎？所以阮猶原欲等候你，因為這攏是你所做的。
猶大人承認伊所有的福份攏是從上主來的，所以伊甘願承受刑罰，也欲等候上主的憐憫，縮回他的手，停止他的攻擊。
轉：
今仔日的經文對咱有什麼款的教示？
和：
豈採在這個時，咱自己正在承受真大的苦難，豈採是病痛一直無得著醫治，豈採是家庭的經濟發生問題，豈採是人際關係出了問題，受著極大的委屈。咱承認咱的罪，也離開許個歹，但是咱的苦難猶原在著；咱下願，盼望上主救咱脫離苦難，但是上主好親像不睬咱。魔鬼定定在咱的耳孔邊的勸咱，講：「這款的上主，你豈欲又信？不曾遇見親像你即爾how呆的。」
在這個時，咱千萬不可放棄咱的信仰，千萬不可離開咱的上主，因為咱一切的福份攏是從上主許來的。咱千萬要會記得，基督教信仰不是交易的信仰－「上主您答應將來給我這個那個，此時，我就尊你做主，聽從你的話；如果將來你無照約定的給我這個那個，我就欲離開你，找另外一個會得可給我這個彼個的」。基督教信仰是感恩的信仰－「上主你過去即爾疼我，給我這個彼個，所以此時，我欲尊你做主，順從你的旨意；就算將來你無給我什麼，我猶原尊你做主」。
咱千萬要會記得基督教的信仰，不是交易的信仰，是感恩的信仰。
哈巴谷先知與耶利米先知是同時代的人。起頭哈巴谷埋怨上主，為著猶大人無因為罪孽的緣故受刑罰。後來哈巴谷埋怨上主，為著猶大人受著巴比倫人過份的凌辱。在他祈禱的路尾，咱又可發現基督教信仰的另一個本質，就是盼望的信仰。
他安爾祈禱：（哈3:17f, 1039）
我聽見我的心腸攪絞，為著彼個聲（都是對敵戰馬、戰車闖來闖去的聲與敵軍大聲喊喝的聲），我的嘴唇kheh-kheh-tio（喀喀抖），骨骸朽壞（都是人驚兮欲un落去）；我於我的所在愕愕惙。我只有恬恬等候災難的日到，侵犯境內的百姓（都是巴比倫軍隊）上來。
諸個話是在描寫他驚惶的心情。然後他又安爾講：
雖然無花果樹無發樣，葡萄樹無結果子，橄欖樹也無收成，田園無出五穀，廄內無並隻羊，牛廄也無牛；
諸個話是在講彼當時猶大人物質生活的欠缺。然後他又安爾祈禱講：
我尚且欲因為耶和華來歡喜，因為救我的上帝來快樂。主耶和華是我的氣力；他使我的腳親像鹿母，復使我行於我高的所在。
鹿母欲倒轉去照顧它的鹿仔子的時，它的腳是偌爾有力，它的速度是偌爾快。哈巴谷先知在猶大人所面臨的苦境中有這個盼望，都是伊有夠額的勇氣去面對這個苦境，伊有夠額的氣力去承受這個苦難。
親像保羅所傳授的，咱在盼望的，不是看會著，是彼個看未著的。他安爾講：「所以，阮無餒志。阮的外體雖然敗壞，若是阮的內心日日換新。因為阮目眨久輕輕的艱苦，是共阮成上等上、永遠的大榮光。因為阮呣是看於所會看見的，是看於所未看見的；因為所會看見的是暫時，所未看見的是永遠。」（林後4:16f, 205）
結論：
弟兄姊妹：
咱的信仰不是交易的信仰－你答應給我啥咪，我就信你；你若無照約定行，我就欲離開你，去信別的神。
咱的信仰應該是感恩的信仰－過去你即爾疼我，所以我信你，尊你做大；就算以後，你無給我啥咪，我猶原信你。
咱的信仰也是感恩的信仰－無論現時我所遇著的是什麼款的境遇，我攏欲信你，依靠你。
No comments:
Post a Comment